पथरीशनिश्चरेको ३ वडामा प्रधानमन्त्री रोजगार कार्यक्रम सुरु

असार ६ गते, पथरी । पथरीशनिश्चरे नगरको ३ ओटा वडामा प्रधानमन्त्री रोजगार कार्यक्रम सुरु भएको छ । विहिबारबाट सुरु भएको कार्यक्रम अन्तर्गत शुक्रबार वडा नम्वर ७ र १० मा कार्यक्रम सुरु गरिएको हो ।

७ नम्वरमा वडाध्यक्ष कपिलमणि ढकाल र १० नम्वर वडाध्यक्ष सागर राईले आफ्नो वडाको कार्यक्रमको उद्घाटन् गरेका थिए । १० नम्वरका पैनी, सामुदायिक विद्यालय, मठ मन्दिर सरसफाई सहितका कार्यक्रमलाई प्रधानमन्त्री रोजगार कार्यक्रममा समावेश गरिएको छ ।

सो कार्यक्रममा वडाध्यक्ष राईका साथै कार्यपालिका सदस्य मैनादेवी आचार्य फूयाँल, वडा सदस्य मनकुमारी विश्वकर्मा सहितको अगुवाई रहेको थियो । उनीहरुले पनि सरसफाईमा सँगसँगै काम गरेका थिए ।

७ नम्वरमा तटवन्धन, विद्यालयको कम्पाउण्ड वाल निर्माण सहितका काम गरिनेछन् ।
हिजो नगर प्रमुख दिलिपकुमार राईले ४ नम्वर वडाबाट कार्यक्रमको थालनी गरेका थिए । प्रत्येक वडाका २०, २० जनालाई रोजगारी प्रदान गरिएको छ ।

सो शिर्षकमा श्रम, रोजगार तथा सामाजिक सुरक्षा मन्त्रालय अन्तर्गत सो नगरका लागि ४० लाख रुपैयाँको कार्यक्रम प्रदान भएको कार्यक्रमका नगर संयोजक हिमाल राईले जनाए ।

Leave a Reply

Your email address will not be published. Required fields are marked *