स्टारहाङ बान्तावा एकल गीति एल्बम ‘मनको जलन’ लिएर आउँदै

मोफसल  संवाददाता
युवा साहित्यकार तथा गीतकार स्टारहाङ बान्तवा ‘जलन’ को एकल शब्द रहेको पहिलो सांगीतिक कोसेली स्वरुप ‘मनको जलन’ नामक गीति एल्बम लिएर दर्शक माझ चाँडै आउने भएका छ ।
एल्बममा समाबेश गरिने सबै गीतहरुको रेकर्डिङ कार्य सम्पन्न भैसकेको र गीतहरु मिठासपुर्ण रहेको गीतकारले बताए । उक्त एल्बममा ५ वटा गीतहरु समाबेश गरिएका छन् ।
गीतमा राज खड्काले संगीत दिएका छन् । नेपालकै चर्चित गायकहरु दीपक लिम्बू, प्रमोद खरेल, हेमन्त शर्मा, राज खड्का र गायिकाहरु मेलिना राई र सुमिना लो ले गाएका छन् ।
गीतको म्युजिक भिडियो बनाउने योजना रहेको गीतकार स्टारहाङले बताएका छन् । त्यसै अनुरुप पहिलो म्युजिक भिडियो गायक प्रमोद खरेलको स्वरमा रहेको ’मुटु झिकेर कसरी दिउँ तिम्रो खुशीको निम्ति’ बोल रहेको गीतको म्युजिक भिडियो तयार भइसकेको उनले बताए ।

उक्त भिडियोमा प्रबिण थापाको निर्देशन रहेको छ । हरिनारायण चौधरीको छायाँकन रहेको भिडियो चोभारको रमणिय स्थलहरुमा छायाँकन गरिएका छ ।
दोस्रो म्युजिक भिडियो मेलिना राईको स्वरमा रहेको ‘सम्झेर तिमी आशुले मेरो भिज्दैछ सिरानी’ बोल रहेको गीतको पनि म्युजिक भिडियोको पनि छायांकन पनि सम्पन्न भैसकेको छ ।
उक्त गीतको म्युजिक भिडियोमा सुन्दर लावतीको निर्देशन रहेको छ भने छायाँकन पनि आफैले गरेका हुन । भिडियो मलेसियाको विभिन्न सहरहरुमा सुटिङ गरिएकोले भिडियो आकर्षक हुने गीतकारले बताए ।

पहिलो गीतको मोडलिङमा मोडेल मन्जिता केसी रहेकी छिन् । मोडेल मन्जीतालाई साथ दिएका छन् मोडल बाबु मगरले । बाल कलाकारको भूमिकामा रियाज भण्डारीलाई हामी देख्न सक्नेछौँ भने दोस्रो गीतको मोडलिङमा मोडेल कसिस दाहाल रहेकी छिन् । कसिसलाई साथ दिएका छन् मोडेल राजेश तामाङले ।

अन्य गीतहरु दिपक लिम्बुको स्वरमा रहेको ‘मृगनयनी आँखा उनको हरिणको चाल’ र राज खड्का र सुमिना लो को स्वरमा रहेको ‘नक्कलीले कर्के नजर हानेर पो मार्यो’ को म्युजिक भिडियो पनि सुरु गर्ने बताए ।
दुबै गीतको म्युजिक भिडियो पनि मलेसियामा नै छायाङ्कन हुने गीतकारले बताए । बाँकी दुई गीत हेमन्त शर्माको स्वरमा रहेको ‘भोजपुरको सुन्तला मिठो ईलामको चिया’ र फिमेल भर्सन सुमिना लो को स्वरमा रहेको ‘मुटु झिकेर कसरी दिउ तिम्रो खुशीको लागि’ बोल रहेको गीतको म्युजिक भिडियोको लागि पनि आफू तयारीमा जुटेको गीतकारले बताए ।

Leave a Reply

Your email address will not be published. Required fields are marked *