पुजारीले मन्दिरबाटै गलत्याएपछि ……

प्रभात सुवेदी
आफूहरुबीचको न्यानो अनि पवित्र माया कुन प्रेमी प्रेमीकाले अमर राख्न नचाहालान् र ? यसका लागि के–के सम्म गर्न पछि पर्दैनन् प्रेमीकाहरु ? यहाँ यस्तै भएको छ एक प्रेमजोडी रुपक र प्रजितालाई । अहिलेको आधुनिक समयमा पनि मन्दिरमा देवताको सामु आशीर्वाद र वरदान माग्न गएका प्रेमीकाको जोडीलाई मन्दिर परिसरमै पूजारीले यसरी गलत्याएर मन्दिर प्रवेशमा नै रोक लाएको दृश्य ज्यादै कारुणीक थियो ।
यो सन्दर्भ कुनै यथार्थ घटना नभएर बर्दियाली गायक तथा सङ्गीतकार रकेश वलीले भर्खरै मात्र बजारमा ल्याउन तयारी गरिरहेको पहिलो गीती एल्बम (मेरो संसार) मा रहेको गीत “देउतालाई पनि नचढ्ने भुईँ झरेको पूmल हुँ म” बोलको गीतको म्युजिक भिडियोको हो ।picture1

सातओटा अत्यन्तै कर्णप्रीय सुमधुर गीतहरु समेटिएको यो एल्बम चाँडै नै बजारमा ल्याउने तयारी रहेको वली बताउनुहुन्छ । शास्त्रीय सङ्गीत बिधामा पाचौँ वर्षमा अध्ययनरत वली पछिल्लो समयमा निकै नै मर्मस्पर्शी गीतहरुको सङ्गीत गर्ने, एरेन्ज र गाउने कलाकारको रुपमा परिचित छन् । उनी साङ्गितीक यात्राकै शिलशिलामा बहराईन, मलेशिया, दुबई लगायतका मुलुकहरु पुगिसकेका छन् ।
जीवन खड्काको निर्देशन, नवराज उप्रेतीको क्यामेरा, शक्ति प्रज्ज्वल घिमिरेको सम्पादन, कोअपरेटिभ इन्टरटेन्मेन्टको पोस्ट प्रोडक्सन रहेको यो म्युजिक भिडियोलाई मुनलाईट फिल्मस् प्रा.लि. ले बजारमा बजारमा ल्याएको हो ।
के. आर. एकलयात्रीको शब्द, सुरेन चन र रकेश वली (सुर) को सङ्गीत र रकेश वलीको स्वरमा रहेको यो गीत यहाँहरुको लागि समर्पण छ ।
गीतको म्युजिक भिडियो ….

https://www.youtube.com/watch?v=NIbtW5u3arw

Leave a Reply

Your email address will not be published. Required fields are marked *